Chista è la pagina cchiù nira di la storia di lu banditu Giuliano,
lu primo maggio 1947, misu a capu di la so banda,
fici sparari supra li contadini di la chiana di San Cipireddu e di San Giuseppe Iatu,
riuniti alla Purtedda pi fisteggiari la festa di li lavuraturi.
Li mandatari speravano di fermare l’avanzata di li contadini poveri,
Giuliano e la sua banda, d’otteniri la libertà e di acquistari meriti e gloria.
‘Nni lu chianu di Purtedda
chiusu ammenzu a ddu muntagni
c’è ‘na petra supra ll’erba
per ricordu a li cu mpagni.
A l’addritta ‘nni ‘sta petra
a lu tempu di li Fasci
un apostulu parrava
per lu beni
di cu nasci.
Era Nicola Barbatu, lu medicu socialista di Chiana di li Greci.
A lu primu d’ogni maiu, nni ‘dda petra c’è raduni, du paroli pe spiranza, pi cunsolu a li diuni e cu chiddi di la Chiana cu li robba di villutu, li fidili di luntano vennu a compiri lu vutu.
C’era folla ‘dda matina, lu sapeva Giulianu,
ma la folla un lu sapeva,
e ballava ‘nni ‘ddu chianu.
Cu cantava, cu sunava, cu accordava li canzuni
e li tavuli cunzatirdi simenzi e di turruni.
Picciriddi addormentati ni lu pettu di li madri,
piccididdi in carusedduu ni lispalli di li patri.
Scecchi e muri senza sedda attaccati a li carretti
e li cani scapulati n’ menzui a robbi e bicicletti.
Zitu e zita cu la manu,
‘nni la manu cu li caddi.
Zita e zitu chicaminanu
e si stricanu li spaddi.
E ‘nt’all’aria li ciavuri di inestra tra li spini
i lu suli ca bruciava li spiranz ‘i contadini,
ogni asta di bandera un marruggiu di sappuni
nella terra seminata la miseria in ginucchiuni.
Quandu vinni l’uraturi
acchianò supra ‘dda petra
e la folla: “Viva! viva!”,
comu terra chi si spetra.
L’oraturi di ‘ddu iorno era Iacupu Schirò,
dissi appena du paroli e la lingua ci siccò.
Di lu munti la Pizzuta ch’è rimpettu di lu chianu
spara supra di la folla cu la banda Giulianu,
a tappetu ed a ventagghiu mitragghiavano li genti
como fauci ca meti cu lu foco ni li denti.
Spaventati per lu chianu,
scapp’ ognunu e un sapi unni
lu marusu cristianu ietta focu e grapi l’unni.
C’è cu chiama, c’è cu cerca, c’è cu chiangi e grida aiutu,
cu li vrazza is’all’aria pi difesa como u scutu.
E li matri cu lu sciatu, cu lu sciatu senza sciatu:
“Figghiu miu!”, e corpu e vrazza com’u gghiommir’ aggruppatu!
Supra l’autu li banditi di li petri arriparati
nun allentanu lu focu, bumbi a mano e mitragliati.
C’è cu cadi e non si susi,
chiudi l’occhi e resta mortu,
cu si mangia a muzzicuna
petra ed erba e quagghia tortu.
C’è cu curri e si lamenta cu li manu a la ferita
E cu strica terra terra cu lu mussu ‘nni la crita
Ogni zucc’ ed ogni petra uu riparu a li persuni
E li banchi, li carretti ‘na trincera, un bastiuni.
Scecchi e muli pe du chianu
ca rumpero li capizzi
cu li cani pe darreri abbaiannu scantatizzi.
Dopo un quartu d’iddu focu
vita morti e passioni
Li banditi si ‘nni ieru
senza chiù munizioni.
Furu centu li feriti
li portaru a lu paìsi
‘nni li spaddi li cchiù granni
li cchiù nichi ‘n brazza misi.
E li morti furu vinti,
vinti morti a la Purtedda
comu pecuri e crapetti
ammazzati supra l’erba.
Supra l’erba li chiangero figghi e matri scunsulati
cu li lacrimi li facci ci lavavanu a vasati.
Epifania Barbatu a lu figghiu mortu in terra ci diceva:
“A li poveri puru cca’ ci fanno guerra!”
‘Na picciotta cuntadina cu lu figghiu ‘nni li vrazza,
a sett’anni t’ammazzaru figghiu miu, diventu pazza!
Pe descriviri ‘sta straggi
ci vulissi un rumanzeri,
‘sta chitarra un sapi chiangiri,
malidittu ‘stu misteri!
Margherita la Clisceri ch’era ddà cu cincu fìgghi,
arristò cu l’occhi aperti
abbrazzata a tutti e cinqu
ni le vrazza della morte
un singhiuzzu d’innucenti
lu chiù nicu tra la panza chiangi solu e non si senti.
Si vu iti a la Purtedda,
ascultati chi vi dicu,
‘nni la panza di so’ matri
chiangi ancora lu cchiù nicu.
E li morti sunnu vivi, li tuccati cu li manu,
cu muriu a la Purtedda fu la mafia e Giulianu!
